Fannst svo girnileg uppskrift að kjúklingabringum með sólþurrkuðum tómötum hjá Gulur, rauður, grænn og salt og ákvað að breyta þeim í pastarétt. Það var sko alveg geggjað!
Pasta með kjúklingi og sólþurrkuðum tómötum
250 gr pasta
2 kjúklingabringur (eða afgangs kjúklingur)
2 msk olía af sólþurrkuðum tómötum
Kjúklingakrydd
1 dós rjómaostur með sólþurrkuðum tómötum
1 ferna kaffirjómi
1 teningur kjúklingakraftur
5 sólþurrkaðir tómatar, brytjaðir smátt
Paprika
laukur
Sveppir
Sjóðið pastað eftir leiðbeiningum á pakka. Brytjið kjúklingabringurnar, steikið á pönnu upp úr olíunni af tómötunum og kryddið með kjúklingakryddi. Leggið kjúklinginn til hliðar.
Steikið grænmetið þar til það er farið að mýkjast. Bætið þá rjómaostinum og kaffirjómanum á pönnuna og bræðið saman. Bætið kjúklingakraftinum saman við, og að lokum sólþurrkuðu tómötunum. Bætið kjúklingnum út á pönnuna og hitið.
Hellið sósunni út á pastað og berið fram. Helst með hvítlauksbrauði og salati 🙂
Verði ykkur að góðu!
Tilraunaeldhúsið 